Səhvən iqtidar partiyasına səs verdiyini öyrənən seçici barmağını kəsib.
Milli.Az xarici mətbuata istinadla xəbər verir ki, qeyri-adi hadisə Hindistanda baş verib.
Hindistanın Uttar Pradeş ştatında yaşayan Pawan Kumar adlı kişi səhv partiyaya səs verdiyini öyrənəndə barmağını kəsib.
O, ötən gün iştirak etdiyi səsvermədə səhvən BJP-yə (Hindistan Xalq Partiyası) səs verib.
"Fil üçün səs vermək istəyirdim, amma, səhvən çiçək simvolunu seçdim. Buna görə də barmağımı kəsdim", - deyə Pawan açıqlama verib.
Qeyd edək ki, BJP-nin loqosunda lotus gülü (nilufər), BSP-ninkidə isə fil təsvir olunub.
Bəxtiyar Umarlı
Milli.Az