Dünya

Madaqaskarda qızılcadan 1140 nəfər ölüb

13 Mart 2019 05:30
0 Şərh     Baxış: 972
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qızılca epidemiyasının tüğyan etməsi nəticəsində Madaqaskarda ölənlərin sayı 1140 nəfərə çatıb.

Milli.Az AZƏRTAC-a istinadən bildirir ki, bu barədə məlumatı Dünya Səhiyyə Təşkilatı (DST) yayıb. Təşkilatın məlumatına görə, yoluxucu epidemiya qurbanlarının böyük əksəriyyəti 14 yaşdan aşağı uşaqlardır. Bir həftə öncə ölənlərlə bağlı statistikanın 900 nəfərdən ibarət olduğunu açıqlayan təşkilat bir həftə ərzində virusa yoluxanların 66 min nəfərdən 87 min nəfərə yüksəldiyini də təsdiqləyib.

DST yerli qurumlarla əməkdaşlıq şəraitində Madaqaskarda qızılcaya qarşı peyvənd kampaniyasına start verib. Kampaniya çərçivəsində adada yaşayan altı milyon uşağa qızılcaya qarşı peyvənd vurulmalıdır.

Virus vasitəsilə yayılan xəstəlik yüksək yoluxuculuq qabiliyyətinə malik olsa da, vaxtında aparılmış vaksinasiya sayəsində xəstəliyin qarşısı ya alınır, ya da xəstəlik yüngül formada keçir. Dünyanın bir sıra regionlarında peyvənd çatışmazlığı yaşansa da, inkişaf etmiş ölkələrdə "peyvənd tənbəlliyi" və ya antivaksinasiya təbliğatı bu epidemiyanın yayılmasına şərait yaradır. Statistikaya görə, 2018-ci ildə dünyada qızılcaya yoluxma ilə bağlı qeydiyyata alınmış halların sayı iki dəfə artaraq 229 minə çatıb. Mütəxəssislər hesab edirlər ki, rəsmi statistikaya düşməyən yoluxma hallarının sayı 2 milyondan artıqdır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.