Biz varıq, ölməmişik! Biz hələ qayıdacağıq!
Ərləri İŞİD terrorçuları olan qadınlar reportyorları görəndə qışqıraraq bu sözləri deyiblər.
Milli.Az Daily Mail-ə istinadən bildirir ki, Suriyanın Deyr əz Zor vilayətindəki Əbu Kamal bölgəsində, Əl Baqhuz Fəvkani şəhərində yüzlərlə qadın filtrasiya düşərgəsində saxlanır. Əksəriyyəti burada azyaşlı övladları ilə olan qadınlar İŞİD terror təşkilatının mənsublarının xanımlarıdır.
Onlar döyüşlərin getdiyi məkanlardan qaçıblar.
Qadınlar İŞİD-in məğlubiyyətinə rəğmən, terror ideologiyasına "sədaqətli"dirlər.
Onlar yük maşınında olarkən reportyorları görəndə "Bakiya və tətamaddad!" ("Yaşasın və genişlənsin!") qışqırıblar.
Bu ifadə İŞİD-in şüarlarından biridir.
Qadınlar daha sonra reportyorlara daş və su atmağa başlayıblar. Onları ən çox qəzəbləndirən "Şəriət qaydalarına uyğun geyinməmiş" qadın jurnalistlər olub.
Milli.Az