Fevral ayında Gürcüstanda ərzaq məhsulları, alkoqollu və alkoqolsuz içkilərin, siqaretin qiyməti artıb.
Milli.Az AZƏRTAC-a istinadən bildirir ki, bu barədə Gürcüstan Milli Statistika Xidməti məlumat yayıb.
Məlumatda deyilir ki, ötən ay ölkədə ərzaq məhsulları və alkoqolsuz içkilərin qiyməti 0,1 faiz, alkoqollu içkilər və tütünün qiyməti 6,7 faiz artıb. Bunun əksi olaraq, geyim və ayaqqabıların qiyməti 4,6 faiz ucuzlaşıb.
Məlumatda, həmçinin bildirilir ki, ölkədə illik inflyasiyaya uyğun olaraq ərzaq məhsulları və alkoqolsuz içkilərin qiyməti 2,9 faiz, alkoqollu içkilər və tütünün qiyməti 16,1 faiz, səhiyyə xərcləri 3,4 faiz, nəqliyyat 2 faiz artıb.
Milli.Az