Birləşmiş Millətlər Təşkilatının sülhməramlı missiyasına hücum nəticəsində 3 nəfər öldürülüb.
Milli.Az modern.az-a istinadən bildirir ki, hadisə Malinin cənubunda baş verib. Naməlum silahlı şəxslərlə insident paytaxt Bamakodan cənub-qərbdə, Sibu kəndində qeydə alınıb.
Daha bir sülhməramlı isə ağır yaralanıb.
Missiya rəhbəri Maxamat Saleh Annadif baş verən hadisəni qəti şəkildə qınayıb və ölənlərin ailələrinə başsağlığı verib.
Qeyd edək ki, missiya 2013-cü ilin aprelində təsis olunub və Malidə təhlükəsizlik məsələlərini yerinə yetirir.
Milli.Az