Hər il fevral ayında keçirilən festival zamanı bədbəxt hadisə baş verib.
Milli.Az Sputniknews-a istinadla xəbər verir ki, Argentinanın Kordoba şəhərinin yaxınlığında yerləşən Villa Santa Rosada təşkil olunan karnavalda tribuna çöküb.
Şəhər meri Viktor Kieffer mətbuata açıqlamasında çökməyə səbəbin tamaşaçıların tullanıb düşməyinin olduğunu söyləyib.
Argentina polisinin verdiyi məlumata görə hadisə nəticəsində 34 nəfər xəsarət alıb.
Qeyd edək ki, 1976-cı ildə qadağan olunan festival 2011-ci ildən yenidən keçirilməyə başlayıb.
Bəxtiyar Umarlı
Milli.Az