Dünya

Livanda İŞİD qruplaşmasının 6 komandiri həbs olunub

16 Fevral 2019 20:26
0 Şərh     Baxış: 507
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Livan ordusunun xüsusi xidmət orqanları İŞİD qruplaşmasında yüksək vəzifə tutan 6 təhlükəli terrorçunu həbs edib.

Milli.Az AZƏRTAC-a istinadən bildirir ki, An-Nashra portalının yaydığı məlumata görə, Livanın şimalında yerləşən Hermel rayonunda aparılan əməliyyat zamanı sərhədi qanunsuz keçən İŞİD qruplaşmasının səhra komandirlərindən biri Xalid əl-Həc saxlanılıb. Onun dindirilməsindən sonra Əş-Şavahir rayonunda qruplaşmanın dini avtoriteti Əhməd Mansur əl-Xələf və daha 4 silahlı da həbs edilib. Onların hazırda döyüşlərin getdiyi Suriyanın Deyr-əz-Zor əyalətindən qaçdıqları bildirilir.

Fevral ayının əvvəlində Beyrutdan 90 kilometr məsafədə yerləşən Tripoli yaşayış məntəqəsində İŞİD qruplaşmasının şəbəkəsi ləğv edilmiş və diversiyaya hazırlaşan 4 silahlı saxlanılmışdı.

Livanın Daxili İşlər Nazirliyinin məlumatına əsasən, ötən il xüsusi xidmət orqanları parlament seçkiləri ərəfəsində iki böyük terror aktının qarşısını almışdı. O zaman qruplaşmaya bağlı terrorçular Suriyadan Livana daxil olmağa cəhd edən zaman apardıqları partlayıcı ilə birlikdə ələ keçmişdilər.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.