Dünya

Katolik keşişlərin 80 faizi "mavi"dir - Vatikanla bağlı yeni, sensasiyalı faktlar - FOTO

13 Fevral 2019 12:21
9 Şərh     Baxış: 2 998

"Artıq etiraf etmək zamanı çatıb. Vatikandakı katolik ierarxların, ümumiyyətlə, dünyadakı katolik keşişlərin 80 faizi aktiv homoseksuallardır. Onların arasında "kişi fahişə"lərdən istifadə edənlərin sayı da çoxdur".

Fransanın tanınmış sosioloqlarından biri, "mavi" olduğunu etiraf etmiş Frederik Martel "Vatikanın dolabında: hakimiyyət, homoseksualizm, hipokratiya" (In the Closet of the Vatican: Power, Homosexuality, Hypocrisy) belə yazıb. ABŞ-dakı "Bloomsbury" nəşriyyatında çap edilmiş 570 səhifəlik kitab fevralın 21-də satışa çıxarılacaq.

Martel kitabında Roma Papası 1-ci Fransiski qətiyyətli və cəsur lider kimi təqdim edir: "Məhz o, katolik kilsəsinin indiyədək qapalı saxlanan dolabını açdı və bütün gizlinləri ortaya çıxardı. Fevralın 21-də dünyanın 140 ölkəsinin katolik liderləri Vatikanda bir araya gələrək katolik kilsəsindəki seksual zorakılıqları və təcavüzləri müzakirə edəcəklər".

Müəllif hesab edir ki, katolik kilsəsi homoseksualizmi etiraf etməli, sıralarına "mavi" keşişləri qəbul etməli və qeyri-ənənəvi cinsi yönümlü keşişlərin bunu etiraf etmələrinə şərait yaratmalıdır.

Arxiyepiskop Karlo Mariya Viqano da Vatikanın və ümumiyyətlə, katolik kilsəsinin homoseksuallardan ibarət genişmiqyaslı şəbəkəyə çevrildiyini bəyan etmişdi.

O, ötən ilin oktyabrında yaydığı açıq məktubunda yazmışdı: "Katolik keşişlər tərəfindən təcavüzə məruz qalanların sayının belə çox olmasının əsas səbəblərindən biri kilsəmizdə homoseksualizmin dağıdıcı təsirinin güclənməsi, Vatikandakı ierarxiyada belə "mavi"lərin sayının artmasıdır. Homoseksualizm keşişlər arasında vəba kimi yayılır. Bu bəlanı yalnız mənəviyyatla müalicə etmək olar. Katolik kilsəsində homoseksualizmin yayıldığını etiraf etmədən zorakılığı pisləmək və təcavüz qurbanlarını "şəfqətlə anmaq" əsl riyakarlıqdır".

Özünü "liberal homoseksual" adlandıran Frederik Martel kitabını yazarkən 4 il ərzində yüzlərlə keşişlə görüşüb, katolik kilsəsinin nüfuzlu xadimləri ilə söhbətləşib.

Sosial elmlər üzrə elmlər doktoru olan Martel habelə "Çəhrayı və qara: 1968-ci ildən bəri Fransada homoseksuallar" (The Pink and the Black, Homosexuals in France since 1968) və "Qlobal Gey: homoseksualların uzun yürüşü" (Global Gay: La longue marche des homosexuels) kitablarının müəllifidir.

F.Martel hazırda İsveçrədəki Sürix İncəsənət Universitetində çalışır.

Müəllif yeni kitabında bildirir ki, əvvəlki Roma Papası 16-cı Benedikti "qəfil istefa"ya vadar edən, Vatikanda bütün səviyyələrdə möhkəm mövqelər tutmuş homoseksual şəbəkə indi Papa 1-ci Fransiski də devirməyə hazırlaşır: "Homoseksual şəbəkə sıralarına üzvləri hələ seminariyalarda cəlb edir, sonra keşişləri Vatikana qədər yüksəldərək onları nəzarətdə saxlayır".

Konkret adların və qrupların adlarının çəkildiyi kitabda müəllif "homoseksual kamarilya" ilə yanaşı, Vatikandakı çox genişmiqyaslı korrrupsiya, totalitar rejimlərlə əlaqələr, şübhəli maliyyə sövdələşmələri və daşınmaz əmlakla qanunsuz əməliyyatlardan da bəhs edəcək.

Orxan Hun
Milli.Az

Məqaləyə dair fotomateriallar:

loading...

Şərh yaz:

9 Şərh:

  • Anonim
    " · 13 Fevral 12:3182

    Yanlış din:"yolunu azmışlar"

    Cavab yaz
    • Anonim
      Birisi · 13 Fevral 14:3131

      Din yanlış deyil,yanlış olan insanların seçimidir. Bir neçə il əvvəl Vatikana səfərim zamani ekskursiya qrupumuzda tarixçi rus qadın vardı ve tur bələdçiyə sual verdi ki, belə bir şey oxuyub (eşidib)--- nə dərəcədə doğrudur, bələdçi isə məlumatsız idi əlbəttə ki, amma ki tarixçi bunu soruşursa, demək ki, hardansa əsas götürüb

      Cavab yaz
      • Anonim
        " · 13 Fevral 16:0910

        Dini yaşadanlar insanlardı.Əgər mən bu gün pintiyəmsə,savadsızamsa,terrorçuyamsa bütün müsəlmanlara bu cür baxılır,həqiqət belədir."yolunu azmışlar"-dinlərini səhvlərlə yaşadıqları üçün xristianlara məhz bu cür müraciət olunur.Fatihə surəsi,7 ayə

        Cavab yaz
  • Anonim
    Ceyhun · 13 Fevral 12:3530

    Əsranur,asi-nəsə şərhlərinizi görmürəm nədənsə...

    Cavab yaz
    • Anonim
      Əcəl · 13 Fevral 13:1310

      Serf elemir axi:)

      Cavab yaz
  • Anonim
    aea · 13 Fevral 13:1310

    Super....))) Kül sizin kişi başınıza....

    Cavab yaz
  • Anonim
    ALLAH BƏNDƏSİ · 13 Fevral 14:0400

    ONLARDA EVLANMAK. AILA QURMURLAR AXIRIDA DA BELA OLUR

    Cavab yaz
  • Anonim
    M · 13 Fevral 15:4502

    azad fikirli,demokratik ölkelerde,xüsusen de qerb ölkelerinde insanlar çekinmirler gizlinlerden,ona göre de rahat-rahat danışırlar.müselman mesçidlerini araşdırsaz ordan da xeyli mavi çıxar,en azı her mesçidden biri çıxar.şexsen bir türk camisini yöneldenlerden birinin bele bir adam olduğunu bilirem.o birilerini de siz araşdırın.mavilik içerden gelir,çölden yox.içinde mavilik olan kesler mesçidler,kilseler,mebedler ağzına qeder doludur.

    Cavab yaz
    • Anonim
      N · 13 Fevral 16:0110

      Onlarda o qədərdi ki,gizlətmək mümkün deyil ,öz-özündən açılıb tökülür.

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.