Dünya

Cənubi Koreyadan ABŞ hərbçiləri ilə bağlı yeni qərar

10 Fevral 2019 16:54
1 Şərh     Baxış: 363

Cənubi Koreya ölkə ərazisindəki ABŞ hərbçilərinin bu il üçün saxlanmasına ayıracağı vəsaiti 8,2 faiz artıracaq.

Milli.Az AZƏRTAC-a istinadən bildirir ki, bununla bağlı tərəflər arasında Koreya yarımadasındakı ABŞ qoşunlarının saxlanma xərclərinin bölünməsi barədə saziş imzalanıb. Sazişə əsasən, Cənubi Koreya 28 min 500 nəfər şəxsi heyəti olan ABŞ qoşununun saxlanması üçün 1,03 trilyon von (890 milyon ABŞ dolları) ödəyəcək. Bununla da tərəflər arasında Amerika qoşunlarının xərclərinin ödənməsi ilə bağlı olan mübahisələrə son qoyulub.

Qeyd edək ki, Seul və Vaşinqton saziş üzrə işçi danışıqlarının 10 raundunu keçirib. Mübahisə doğuran əsas məsələ Cənubi Koreya tərəfinin xərclərinin həcmi və sazişin müddətindən ibarətdir. Bildirilir ki, ABŞ maliyyə məsələsində güzəştə getməyə məcbur olub. Bundan öncə Birləşmiş Ştatlar Cənubi Koreyadan 1-1,2 milyard dollar tələb edirdi. Cənubi Koreya da öz növbəsində sazişin müddətinin 5 ildən 1 ilədək azaldılmasını təkid edən ABŞ-a bu məsələdə güzəştə gedib.

Milli.Az 

loading...

Şərh yaz:

1 Şərh:

  • Anonim
    Raul · 10 Fevral 18:2900

    Boyunuzu yerə soxum. Gör kimə pul ödəyirlər.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.