Ukraynada keçiriləcək prezident seçkiləri ilə bağlı namizədliyin qeydə alınması məqsədilə sənədlərin Mərkəzi Seçki Komissiyasına təqdim edilməsi üçün nəzərdə tutulan vaxt bu gün başa çatıb.
Milli.Az AZƏRTAC-a istinadən bildirir ki, bu barədə Ukrayna MSK-nın mətbuat xidmətindən məlumat verilib.
Məlumata görə, namizədlərin qeydə alınması prosesi fevralın 8-də başa çatacaq. Artıq 28 nəfərin prezidentliyə namizədliyi qeydə alınıb. Prezidentliyə namizəd olmaq istəyən 74 nəfər sənədlərini MSK-ya təqdim edib.
Qeyd edək ki, Ukraynada prezident seçkisi martın 31-də keçiriləcək.
Milli.Az