Dünya

Gürcüstanda azərbaycanlıların etiraz aksiyaları başlayır - "Erməni terrorçuya qoyulan büst götürülməlidir"

3 Fevral 2019 12:26
2 Şərh     Baxış: 1 291

Azərbaycanlılar Tiflisdə separatçı erməniyə Axalkalakidə abidə qoyulmasına qarşı aksiya keçirəcək.

Milli.Az yenicag.az-a istinadən xəbər verir ki, fevralın 5-də, saat 12:00-da Gürcüstan Parlamentinin qarşısında Abxaziyanın və Qarabağın işğalında iştirak etmiş separatcı erməni Mixeyil Avaqyana Axalkalakidə abidə qoyulmasına qarşı etiraz aksiyası keçiriləcək.

Bununla bağlı sosial şəbəkələrdə məlumat yayılıb. Aksiyada "Təxribatçılar, əlinizi Gürcüstan-Azərbaycan dostluğundan çəkin!", "Seperatçı Mixeyil Avaqyanın büstü götürülsün!", "Gürcüstan və Azərbaycanın ərazi bütövlüyü müzakirə predmeti deyil!", "Separatçılığa və separatçılara YOX!", "Gürcüstan-Azərbaycan dostluğu sarsılmazdır, əbədidir!" şüarlarının səsləndirilməsi nəzərdə tutulub.

Qeyd edək ki, 20 yanvar 2019-cu ildə Gürcüstanın Axalkalaki rayonunun Buqaşen kəndində Abxaziya və Qarabağın işğalında iştirak etmiş, Xocalı Soyqırımını törədən cinayətkarlardan olan separatcı Mixeil Avaqyana abidə ucaldılıb. Belə bir şəxsə Gürcüstanda abidə qoyulması həm ölkə daxilində gərginliyin yaranmasına, həm də dost və qardaş ölkə Azərbaycanla münasibətlərin pozulmasına zəmin yaradır.

Ermənilər istisna olmaqla milli dini və siyasi mənsubiyyətindən asılı olmayaraq əksər Gürcüstan vətəndaşları seperatçılığı kəskin pisləyərək M. Avaqyanın büstünün götürülməsini tələb edirlər. Gürcüstanın azərbaycanlı icmasının fəalları da bu hadisədən ciddi narahatlıq keçirdiklərini deyirlər. Soydaşlarımız Gürcüstan-Azərbaycan dostluğunun möhkəmlənməsi üçün bundan sonra da var gücləriylə çalışacaqlarını, amma Gürcüstanın ərazi bütövlüyünə qarşı vuruşmuş bir separatçıya abidə qoyulmasını qəbul etmədiklərini bildirirlər.

Milli.Az

Şərh yaz:

2 Şərh:

  • Anonim
    aaa · 3 Fevral 15:3430

    Mütləq iştirak etmək lazımdı

    Cavab yaz
  • Anonim
    Vətənpərvər · 4 Fevral 13:0640

    Keçiriləcək aksiyanı tam dəstəkləyirəm... Gürcülər əslində Ermənilərdən də təhlükəli xalqdırlar. Ona görə də həmişə ehtiyatımızı əldən verməməliyik. Nə qədər ki gürcülər bizdən asılıdırlar, sakit durublar, boş buraxsaq başımıza çıxacaqlar...

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.