Dünya

Ərdoğan Putinlə müzakirə edəcəyi əsas mövzunu açıqladı

21 Yanvar 2019 21:10

0 Şərh Baxış: 1 025

#TÜRKİYƏ #RUSİYA #RƏCƏB TAYYİB ƏRDOĞAN #VLADİMİR PUTİN

Türkiyə prezidenti Rəcəb Tayyib Ərdoğan Rusiyaya çərşənbə günü səfəri zamanı Suriyada təhlükəsizlik zonasının yaradılmasını müzakirə etmək niyyətində olduğu bildirib.

Bu barədə Milli.Az Sputnik Azərbaycan-a istinadən xəbər verir.

"Ümid edirəm ki, çərşənbə günü Rusiyaya səfər edə biləcəyəm və biz cənab Putinlə təhlükəsizlik zonasını, onun terrorçulardan təmizlənməsini, orada sülh və dincliyi müzakirə edəcəyik. Əgər biz olmasaydıq, İdlibdə yüz minlərlə ölüm olardı. Lakin biz bu addımı Rusiya ilə birgə addım atdıq. Bu prosesi bundan sonra da biz qətiyyətlə davam etdirəcəyik", - deyə Ərdoğan bildirib.

Türkiyə prezidenti eyni zamanda əlavə edib ki, Ankara heç vaxt Suriyanın şimalında bufer zonanın yaradılmasına imkan verməyəcək. Onun sözlərinə görə, belə bufer zona İraqın şimalında var və bu bataqlıqda PKK terror təşkilatı cəmləşib.

Milli.Az