Dünya

Jan-Klod Yunker: Rumıniya Şenqen məkanının bir hissəsi olmalıdır

11 Yanvar 2019 21:16
0 Şərh     Baxış: 356

Avropa Komissiyasının sədri Jan-Klod Yunker Rumıniyanın Avropa İttifaqı Şurasında sədrliyə keçməsi ilə əlaqədar təşkil olunan mərasimdə bildirib ki, ölkə Şenqen məkanının bir hissəsi olmalıdır. Milli.Az AZƏRTAC-a istinadən bildirir ki, sədr Şenqeni Rumıniyasız natamam gördüyünü deyib. J.Yunker qeyd edib ki, Avropa İttifaqı Şurasına sədrliyi zamanı digər Aİ ölkələri Rumıniyaya yardımını əsirgəməyəcək.

Qeyd edək ki, Avropa İttifaqının yalnız 22 üzvü Şenqen sazişinin üzvləridir. Böyük Britaniya, İrlandiya və Kipr Şenqenə daxil deyil, Bolqarıstan, Rumıniya və Xorvatiya isə məkana daxil olmaq üzrədirlər. Rumıniya və Bolqarıstandan Şenqen məkanına üz tutan üçüncü ölkələrin vətəndaşları Şenqen vizası almalıdır. Eyni zamanda, Rumıniya və Bolqarıstan Avropa İttifaqı ilə Kanada və ABŞ arasında imzalanmış vizasız rejimdən bəhrələnə bilmirlər.Buna səbəb, vizasız gediş-gəliş sazişinin yalnız Şenqen məkanına daxil olan Aİ ölkələrinə aid olmasıdır.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.