Dünya

Qətər İraqa 1 milyard dollar verəcək

11 Yanvar 2019 16:08
0 Şərh     Baxış: 514

Qətər Əmiri Şeyx Təmim bin Həməd Al Tani İraq Prezidenti Bəhram Salehlə Dohadakı danışıqlarda əmirliyin respublikada infrastrukturun bərpa edilməsinə bir milyard dollar investisiya yatırmağa hazır olduğunu təsdiq edib.

Milli.Az Trend-ə istinadən xəbər verir ki, görüşdə iki ölkənin rəhbərləri münasibətlərin ilk növbədə iqtisadi, ticarət, investisiya sahələrində, infrastruktur və turizm layihələrində möhkəmləndirilməsi imkanlarını müzakirə ediblər.

Bundan başqa, liderlər iqtisadi və ticarət münasibətlərinin inkişafı üçün Qətərin Həməd və İraqın Umm Kəsr limanları arasında birbaşa gəmi yolunun istifadəyə verilməsi ilə bağlı razılığa gəliblər.

Qeyd edək ki, İraq Prezidenti yanvarın 9-dan Qətərdə rəsmi səfərdədir. B.Saleh Dohaya ABŞ-ın dövlət katibi Maykl Pompeo ilə danışıqlardan sonra gəlib. M.Pompeo da Strateji dialoq konfransında iştirak etmək üçün bazar günü Qətərə səfər edəcək.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.