Oğurluq zamanı kişini öldürüb, arvadına təcavüz edən şəxsə ölüm hökmü verilib.
Milli.Az foxnews-a istinadla xəbər verir ki, ABŞ-ın Texas ştatında yaşayan şəxs 1993-cü ildə törətdiyi cinayətə görə edam olunub.
43 yaşlı Alvin Braziel Jr adlı şəxsə öldürücü iynə vurulub və o, 9 dəqiqə sonra dünyasını dəyişib.
27 yaşlı Douglas White-ı öldürən Alvin öldürülməzdən əvvəl peşman olduğunu söyləyib.
"Loridən onun ərini öldürdüyümə görə ikinci dəfə üzr istəyirəm", - The Dallas Morning News-un məlumatına görə o, edamdan əvvəl deyib. Alvin təcavüzdən bəhs etməyib.
Qeyd edək ki, Alvin bu il ərzində ABŞ-da 24-cü, Teksasda13-cü edam olunan məhkumdur.
Bəxtiyar Umarlı
Milli.Az