ABŞ-ın Şimali Karolina ştatında baş vermiş qar fırtınası nəticəsində dörd nəfər ölüb.
Milli.Az "report"-a istinadən bildirir ki, ABŞ-ın Milli Meteorologiya Xidmətinin məlumatına görə, bəzi ərazilərdə qarın qalınlığı 60 sm-i keçib. Əlverişsiz hava şəraiti ilə bağlı yollarda hərəkət iflic olub. Bildirilir ki, 500-ə yaxın yol-nəqliyyat hadisəsi baş verib.
Şimali Karolina ştatının hakimiyyət orqanları sakinlərə səfərə çıxmamağı məsləhət görüblər.
"Evdə qalın. Milad bayramı üçün hədiyyələr hazırlayın, yolkaları bəzəyin və futbola baxın", - deyə ştatın qubernatoru Roy Kuper özünün "Twitter" səhifəsində yazıb.
Milli.Az