Dünya

Ermənistanda səsvermə başa çatdı - Kütləvi saxtakarlıq

9 Dekabr 2018 21:32

1 Şərh Baxış: 1 802

#ERMƏNİSTAN

Ermənistanda növbədənkənar parlament seçkilərində səsvermə başa çatıb.

Məlumata görə, 20:00-da seçki məntəqələri bağlanılıb və səslərin sayılmasına başlanılıb.

Ermənistan Müdafiə Nazirliyi "qaynar xətt" üzrə səsvermə prosesində pozuntular barədə 39 məlumat alıb.

Milli.Az Trend-ə istinadən bildirir ki, bu barədə öz "Facebook" səhifəsində Ermənistan Müdafiə Nazirliyinin mətbua katibi Artsrun Ovanisyan yazıb.

Onun sözlərinə görə, bu məlumatlar seçkilərin təşkili, hərbçilərin səsvermə məntəqələrinə gətirilməsi və məzuniyyətdə olan hərbi qulluqçuların səsverməsi ilə bağlı olub.

Bundan əlavə, "TASS"ın İstintaq Komitəsinin mətbuat xidmətinə istinadən verdiyi məlumaat görə, İstintaq Komitəsi növbədənkənar parlament seçkilərində səsvermə zamanı qanun pozuntularına dair 12 şikayət qeydə alıb: "İstintaq Komitəsi onların araşdırılması üzrə tədbirlər görür".

Daha əvvəl Ermənistanın Baş prokurorluğundan bildirilib ki, seçkilər zamanı 65 pozuntu ilə bağlı məlumat baxılıb, onlardan 32-si cinayət tərkibli olub.

Milli.Az