Dünya

Gürcüstandakı prezident seçkiləri ilə bağlı 11 qanun pozuntusu, 171 şikayət qeydə alınıb

28 Noyabr 2018 19:51
0 Şərh     Baxış: 1 318
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Gürcüstan Daxili İşlər Nazirliyi prezident seçkilərinin ikinci turu üzrə səsvermə zamanı baş vermiş 11 qanun pozuntusu faktı ilə bağlı araşdırma aparır.

Milli.Az report-a istinadən bildirir ki, bu barədə daxili işlər nazirinin müavini Natia Mezvrişvili keçirdiyi brifinqdə deyib.

O bildirib ki, qanun pozuntularına yol vermiş şəxslər arasında həm hakim, həm də müxalif partiyanın nümayəndələri var: "Faktlar jurnalistə qarşı fiziki təhqirə yol verilməsi, bəzi seçki məntəqələrində fiziki qarşıdurma, eyni şəxsin təkrar səs verməsi, bir seçki məntəqəsində oğurluq və digər hallarla bağlıdır".

Nazir müavini qeyd edib ki, Daxili İşlər Nazirliyi seçkilərin təhlükəsiz şəraitdə keçirilməsi üçün aktiv fəaliyyətini davam etdirir: "Mobil polis qruplarının bütün ölkə üzrə yerdəyişməsi həyata keçirilir. Polisin səlahiyyətinə daxil olan bütün faktlara dərhal reaksiya verilir".

Gürcüstanın Mərkəzi Seçki Komissiyasından isə bildirilib ki, saat 17:00-a olan məlumata əsasən, dairə seçki komissiyalarına 171 şikayət daxil olub. 

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.