Dünya

Gürcüstan üçün qədər anı: prezident seçkilərinin ikinci turu başladı

28 Noyabr 2018 09:04
2 Şərh     Baxış: 1 438

Gürcüstanda prezident seçkilərinin ikinci turu keçirilir.

Milli.Az report-a istinadən xəbər verir ki, saat 08:00-da 3 703 seçki məntəqəsində səsvermə prosesinə başlanılıb.

Məntəqələrin 55-i xarici ölkələrdə açılıb, 11-i isə istisna hallar üçün yaradılmış seçki məntəqələridir.

Gürcüstanın xarici ölkələrdəki səfirliklərində yaradılmış seçki məntəqələrində səsvermə saat 24:00-dək davam edəcək. Gürcüstanın Azərbaycandakı səfirliyində üç seçki məntəqəsi açılıb.

Seçicilərin ümumi sayı 3 528 658 nəfər təşkil edir.

Prezident seçkilərini seçici subyektlərinin 17 000 nümayəndəsi, 48 500-dən çox yerli və 1300-dən çox beynəlxalq müşahidəçi izləyir. Səsvermə prosesini 2 300 jurnalist işıqlandırır.

Seçkilərdə iki namizəd hakim Gürcü Arzusu Partiyasının dəstəklədiyi müstəqil namizəd Salome Zurabişvili və Vahid Milli Hərəkat Partiyasının namizədi Qriqol Vaşadze mübarizə aparır. Oktyabrın 28-də keçirilmiş prezident seçkilərinin birinci turunda S.Zurabişvili 38,64%, Q. Vaşadze isə 37,74% səs toplayıb.

Qeyd edək ki, bugünkü seçkilər Gürcüstanın dövlət başçısının birbaşa səsvermə yolu ilə seçiləcəyi son seçkilərdir. Qonşu ölkənin yeni prezidenti 6 il müddətinə seçiləcək.

Milli.Az

Şərh yaz:

2 Şərh:

  • Anonim
    umid · 28 Noyabr 2018 09:1100

    Qədər anı sözünü Azərbaycan dilində mənasını tapmadım.

    Cavab yaz
  • Anonim
    Hell · 28 Noyabr 2018 11:0600

    Neyin tapmadinki. Bular indi qeder sozun turklerden kader sozune gore yaziblar... turklerinde kader sozu bizim dilimizde taleh sozunun menasin verilir. Qederde qederdide indi... burda tapmamali ne varki... qeder meselen burdaki werhcilerin coxu meni bogaza qeder yigiblar...

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.