Yaponiyanın "Nissan" şirkətinin direktorlar şurasının sədri Karlos Qon maliyyə maxinasiyasında şübhəli bilinib.
Milli.Az qafqazinfo-ya istinadən xəbər verir ki, NHK telekanalının yaydığı məlumata görə, könüllü olaraq Tokio prokurorluğuna gedən 64 yaşlı Qon həbs edilib.
"Nissan Motor" şirkəti də yaydığı press-relizdə Qonun şəxsi gəlirlərini gizlətməsi ilə bağlı faktı təsdiqləyib. Şirkət, eyni zamanda Qon və direktor Qreq Kellinin qovulmasını tələb edəcəyini açıqlayıb. Kellinin şəxsi gəlirlərini gizlətməkdə Qona yardım etdiyi bildirilib.
Yayılan xəbərlərin ardınca, "Renault" qrupunun səhmləri Paris birjalarında 13 faiz ucuzlaşıb.
Milli.Az