Dünya

Rusiyada 5 milyonluq cərimə təsadüfən necə ləğv oldu?

10 Noyabr 2018 19:03
0 Şərh     Baxış: 619

Moskva polisi 5 milyonadək ödənməmiş cərimə barədə nə edəcəyini bilmir. Kompüter sistemindəki nasazlıq bu qədər cərimələrdəki sürücülərin adlarını və ünvanlarını silib.

Bəzi mütəxəssislər deyirlər ki, Rusiya bütün ölkə boyunca yol polisinin tam mərkəzləşdirilməsinə keçib və qəzanın da bu səbəbdən baş verdiyi düşünülür.

Rusiya Yol Təhlükəsizliyi Baş İdarəsinin rəhbəri Mixail Çernikov deyib ki, indi sistem az-çox düzgün işləyir və keçid dövründə belə qüsurlar tamamilə başadüşüləndir:

"Evlərə göndərilməli olan cərimə bildirişlərindən ya adlar pozulub, ya da ünvanlar natamamdır".

Buna baxmayaraq, texniki qəza nəticəsində itirilən cərimə pullarının təkcə 2016-2017-ci illərdə 15 faiz təşkil etdiyi deyilir.

Moskvada yol polisiMoskvada yol polisi

Qayda pozanlar məmnundurlar

Kommersant qəzetinin yazdığına görə, moskvalılar baş vermiş nasazlıqdan şikayət etməyi düşünmürlər.

Qaydanı pozanlar isə hardansa eşidiblər ki, itmiş cərimə qəbzlərindəki xətaları sürücülərə "bağışlayıblar".

Bir Twitter istifadəçisi yazıb: "Bəzən şad xəbərlər də olur".

Lakin belə görünür ki, avtomobil həvəskarları sevinməyə tələsməməlidirlər. Çernikov deyib ki, əgər yerli bələdiyyələr avtomobillərdən çıxan tullantı qazlarına məhdudiyyət qoysalar, onda köhnə maşınların mühafizə olunan zonalara daxil olması da cərimələrlə nəticələnəcək.

Bununla belə, Rusiyada tullantı qazları barədə məlumat olmayan avtomobillər 60 faiz təşkil edir.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.