Dünya

Türkiyə XİN: "ABŞ-ın PKK-nın 3 terrorçusunun başına pul qoymasını alqışlayırıq" - FOTO

7 Noyabr 2018 12:09
0 Şərh     Baxış: 526

Türkiyə Xarici İşlər Nazirliyi (XİN) ABŞ Dövlət Departamentinin PKK terror qruplaşmasının rəhbərliyinə daxil olan 3 nəfərin başına pul qoymasına münasibət bildirib.

Milli.Az report-a istinadən xəbər verir ki, XİN sözçüsü Hami Aksoy bildirib ki, rəsmi Ankara qərarı müsbət qiymətləndirir. 

"ABŞ Dövlət Departametinin PKK terror qruplaşmasının 3 dəstəbaşının kimliklərini və yerlərini təsbit edəcək məlumatların verilməsi qarşılığında pul mükafatı ayırmasını alqışlayırıq. Bu addımın terrorçu PKK, onun İraq və Suriyadakı qollarına qarşı mübarizə ilə dəstəklənməsini də gözləyirik", - H.Aksoy vurğulayıb.

Qeyd edək ki, ABŞ Dövlət Departamenti terrorçu PKK-nın rəhbərlərindən olan Murat Karayılanın başına 5 milyon dollar, Cemil Bayıkın başına 4 milyon dollar, Duran Kalkanın başına isə 3 milyon dollar mükafat təyin edib. Bu, departamentin "Ədalət üçün mükafat" ("Rewards for Justice") proqramı çərçivəsində müəyyənləşdirilib. 

Xatırladaq ki, Dövlət Departamenti "İmmiqrasiya və vətəndaşlıq haqqında" qanunun 219-cu bölməsinə əsasən, 1997-ci ildə PKK-nı Birləşmiş Ştatlar üçün təhlükəli olan terrorçu təşkilat kimi tanıyıb, 2001-ci ildə isə "Qlobal terror ünsürləri" siyahısına daxil edib. 

Milli.Az

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.