Dünya

Türkiyəli nazir: "Bakı-Tbilisi-Qars vasitəsilə yük daşımaları 3 milyon tona çatdırılacaq"

17 Oktyabr 2018 12:45
Baxış: 1 174
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakı-Tbilisi-Qars (BTQ) dəmir yolu vasitəsilə Türkiyə, Azərbaycan və Qazaxıstan arasında hər həftə 3 yük reysi həyata keçirilir.

Milli.Az xəbər verir ki, bunu Trend-ə Türkiyənin nəqliyyat və infrastruktur naziri Mehmet Cahit Turhan deyib.

Onun sözlərinə görə, Türkiyə BTQ vasitəsilə Azərbaycan, Gürcüstan, Özbəkistan, Türkmənistan, Qazaxıstan, Qırğızıstan və Rusiya kimi ölkələrə tikinti materialları, yuyucu vasitələr, ərzaq və kənd təsərrüfatı məhsulları ixrac edir və öz növbəsində, taxıl, dəmir və sink idxal edir.

Nazir onu da qeyd edib ki, dəmir yolunun istifadəyə verildiyi gündən 102 konteyner qatarı ilə 100 min ton yük daşınıb:

"BTQ dəmir yolu vasitəsilə uzunmüddətli perspektivdə illik 17 milyon ton, ortamüddətli perspektivdə isə 3 milyon ton yük daşınması planlaşdırılır".

M.C.Turhan bildirib ki, BTQ dəhlizi tarixi İpək Yolunun bərpası üzrə işlərin bir hissəsi olub:

"BTQ dəmir yolu istifadəyə verildikdən sonra Türkiyə Avropa ilə Asiya arasında nəqliyyat dəhlizi yarada bildi. Eyni zamanda, bu layihənin başa çatması ilə Türkiyənin Milli Dəmir Yolu Şirkəti 2018-ci il fevralın 15-dən "Transxəzər Beynəlxalq Nəqliyyat Marşrutu" Beynəlxalq Assosiasiyasının üzvü olub".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.