Dünya

Donald Tramp ‘itkin jurnalistlə’ bağlı Səudiyyədən məlumat istəyib

11 Oktyabr 2018 20:16
0 Şərh     Baxış: 791
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

ABŞ prezidenti Donald Trump deyib ki, İstanbuldakı Səudiyyə konsulluğuna getdikdən sonra yoxa çıxmış "Washington Post" qəzetinin dissident müxbiri Camal Khashoggi (yaxud Kaşıkçı) ilə bağlı Səudiyyənin vəzifəli liderlərindən biri ilə söhbət edib.

"Bu çox kədərli situasiyadır. Çox pis situasiyadır. Biz belə bir şeyin müxbirlərin, heç kimin başına gəlməsinə yol verə bilmərik. Düşünürəm ki, biz bu məsələnin dibinə qədər getməliyik", - Tramp deyib.

Səudiyyə monarxiyasının tənqidçisi olan Camal Kaşıkçı oktyabrın 2-də Səudiyyənin İstanbuldakı konsulluğuna gedəndən bəri ondan səs-soraq yoxdur. O konsulluğa türkiyəli nişanlısı ilə evlənmək üçün lazımi sənələri hazırlamağa getmişdi.

Səudiyyə Ərəbistanı bildirir ki, jurnalist konsulluğa gəldikdən az sonra oranı tərk edib. Türkiyə rəsmiləri isə iddia edirlər ki, jurnalist konsulluğun binasında öldürülüb. Onun cəsədini Səudiyyə Ərəbistanında gələn cəlladlar qrupu elektrikli mişarla doğrayıb.

Tramp şəxsən Səudiyyə vəliəhdi şahzadə Mohammed bin Salman-la danışdığını deməyib. Lakin Ağ Evin milli təhlükəsizlik müşaviri Con Bolton, baş müşavirlərdən Jared Kuşner və dövlət katibi Mayk Pompeo oktyabrın 9-da jurnalistin məsələsi ilə bağlı daha çox informasiya almaq üçün şəxsən vəliəhd şahzadə ilə telefonla danışdıqlarını deyiblər.

Ağ Evin sözçüsü Sarah Sanders deyib ki, bu telefon söhbətləri zamanı Səudiyyə hökumətindən məsələdə daha şəffaf olması istənib.

Oktaybrın 10-da Türkiyənin TRT dövlət telekanalı Kaşıkçının İstanbuldakı Səudiyyə konsulluğuna girməsini göstərən videonu yayınlayıb. Başqa bir videosüjetdə Səudiyyə təyyarəsinin və xəfiyyələrinin İstanbula gəldiyi görünür. Virtualaz.org

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.