Dünya

Ronaldunun anası zorlamada ittiham olunan oğlunun müdafiəsinə qalxıb

11 Oktyabr 2018 08:28
1 Şərh     Baxış: 1 135

Turinin "Yuventus" klubunun forvardı Kriştianu Ronaldunun anası Doloreş Aveyru zorlamada ittiham olunan oğluna dəstək çıxıb.

Milli.Az "Report"a istinadən bildirir ki, bu barədə o, öz "Instagram" səhifəsində yazıb.

"Baxmayaraq ki, sən məndən uzaqdasan, hər şey qaydasında olacaq. Allah böyükdür", - deyə o yazıb.

Bundan əvvəl 34 yaşlı amerikalı qadın Ronaldunu ona qarşı cinsi təcavüz etməkdə ittiham edərək məhkəməyə verib. Onun bildirdiyinə görə, hadisə 2009-cu ildə Las-Veqasda olub. Bildirilir ki, 2010-cu ildə qız futbolçunun nümayəndələri ilə işin üstünün açılmaması üçün 375 min dollar müqabilində saziş imzalayıb. Lakin sentyabrda o, KİV-in dəstəyi ilə cinsi təcavüzə məruz qaldığını elan edib. Sonradan Las-Veqas polisi Ronaldunu sözügedən iş üzrə dindirilməyə çağırmağa hazırlaşdığını bildirib.

Xatırladaq ki, Ronaldunun anası Portuqaliyada yaşasa da, oğlu İtaliyada qalır.

Milli.Az

loading...

Şərh yaz:

1 Şərh:

  • Anonim
    malades · 11 Oktyabr 09:4200

    Ehtiyatlı ol, səni incidərlər..

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.