Dünya

Gözlənilməz hadisə Ankara, Ər-Riyad və Vaşinqtonu bir-birinə vurdu

7 Oktyabr 2018 17:07
1 Şərh     Baxış: 3 542
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Türkiyə hüquq-mühafizə orqanları tanınmış türk əsilli səudliyyəli jurnalist Camal Kaşıkçının Səudiyyə Ərəbistanının İstanbuldakı konsulluğunda öldürüldüyünü güman edirlər. 

Milli.Az Sputnik Azərbaycan-a istinadən bildirir ki, hazırda polis konsulluqda axtarış aparır. 

Kaşıkçı iki gün əvvəl konsulluğa daxil olandan sonra yoxa çıxıb. 

Reuters-in məlumatına görə, Türkiyə polisi ilkin versiya kimi Kaşıkçının konsulluqda öldürülməsini götürür. Polis nümayəndəsinin sözlərinə əsasən qətl əvvəlcədən planlaşdırılıb və cəsəd qətldən sonra konsulluqdan çıxarılıb. 

Səudiyyə hakimiyyətini tənqid edən Kaşıkçı son bir il ərzində öldürülmək qorxusundan Vaşinqtonda yaşayıb. O İstanbuldakı konsulluğa nikah imzalamaq üçün lazım olan sənədləri almağa gəlibmiş. Onun nişanlısı isə Kaşıkçını çöldə gözləyib. Həmin vaxtdan jurnalisti görən olmayıb. 

Türkiyə polisi Kaşıkçının konsulluqdan çıxdığını heç kəsin görmədiyini bildirir. Ər-Riyad isə onun həmin gün çıxıb getdiyini deyir. 

ABŞ Senatının Xarici əlaqələr komitəsinin üzvü Kris Mörfi bu məsələ ilə bağlı sərt çıxış edib. "Əgər səudiyyəlilərin ABŞ-da yaşayan birini hiylə ilə konsulluğa çağırıb öldürmələri doğru isə, Səudiyyə Ərəbistanı ilə əlaqələrimiz dayandırılmalıdır". Mörfi Səudiyyə Ərəbistanından olayla bağlı dərhal açıqlama verilməsini tələb edib.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.