Yaponiya hökuməti özünümüdafiə qüvvələrinin yüksək vəzifəli bir neçə nümayəndəsinin Misirin şərqində, Misir ilə İsrail arasında atəşkəs rejiminin gözlənilməsinə nəzarət edən çoxmillətli qüvvələrin mənzil-qərargahına göndərilməsi məsələsini araşdırır.
Milli.Az AZƏRTAC-a istinadən bildirir ki, bu, parlament tərəfindən üç il əvvəl təsdiq edilmiş Yaponiya təhlükəsizlik qanunvericiliyi çərçivəsində yapon özünümüdafiə qüvvələrinin sülhün və sabitliyin əldə edilməsi məqsədilə əməkdaşlıq üzrə ilk beynəlxalq missiyası olacaq.
Çoxmillətli qüvvələr və müşahidəçilər Sinay yarımadasında İsrail ilə sərhəddə sülhməramlı əməliyyatlar aparırlar. Bu əməliyyatlarda ABŞ və İtaliya iştirak edir.
Milli.Az