Dünya

Daha bir azərbaycanlı İsveçdə deputat seçildi

19 Sentyabr 2018 14:07
6 Şərh     Baxış: 3 694

İsveç Sosial-Demokratlar Partiyasının fəalı İradə Əliyeva Söderberq Jönköpinq region parlamentinə millət vəkili seçilib.

Bu barədə məlumatı Milli.Az-a diaspor üzrə araşdırmaçı-jurnalist Elnur Eltürk verib.

İradə Əliyeva 2004-cü ildən İsveçdə yaşayır. 2007-ci ildən İsveçın ən böyük partiyası olan Sosial- Demokratlar Partiyasının fəal üzvüdür. 2010-cu ildə seçkilərdə Jönköpinqs landsting (əyalət) parlamentinə namizədliyini verib və həmin əyalət parlamentinə seçilib. Bundan başqa 2010-2014-cü illərdə Jönköpinq bələdiyyəsinin Təhsil və İş Bazarı Komissiyasının üzvü, Sosial- Demokrat Qadınlar Cəmiyyətinin idarə heyətinin üzvüdür.

Məlumat üçün qeyd edək ki, Jönköpinq şəhərinin 145000 əhalisi var. Jönköpinq region, yəni əyalət 13 bələdiyyəni əhatə edir və 350000 əhalisi var. Jönköpinq region (əyalət) parlamentində 81 nəfər deputat var və İradə Əliyeva onlardan biridir. Builki seçkilərdə yenidən namizədliyini verib və Jönköpinq region (əyalət) parlamentinə deputat seçilib.

Hal-hazırda seçkilərdən sonra müxtəlif komissiya və idarə heyətlərinə üzvlərin seçilməsi prosesi davam edir və təxminən noyabr ayının axırlarında hansı komissiya və idarə heyətlərinə daxil olduğu bilənəcək. İradə Əliyevanın 2012-ci ildən öz sosial, hüquqi və iqtisadi məsələlər üzrə məsləhətçi (konsult) şirkəti var. 2013-cü ildən özü bir qadın cəmiyyəti yaradıb. Bu cəmiyyət müxtəlif millətlərdən olan qadınlar üzvdür. Cəmiyyətin məqsədi qadınların bir-birinə kömək etməsi, çətin vəziyyətlərdə dayaq olmasıdır.

P.S. O, əslən Ağdamın Mərzili kəndindəndir. İki övladı var: 20 yaşında qızı, 13 yaşında oğlu. Qızı da siyasətlə maraqlanır və builki seçkilərdə fəal iştirakçılardan biri olub. Azərbaycan Neft və Kimya İnstitunun mühəndis-iqtisad fakültəsini bitirib. Bakıda yaşadığı müddətdə müxtəlif vəzifələrdə çalışıb.

Milli.Az

Şərh yaz:

6 Şərh:

  • Anonim
    Sumqayıtlı qız · 19 Sentyabr 2018 14:1081

    Lap yaxşı.Təbrik edirəm.

    Cavab yaz
  • Anonim
    MEHMAN QAZAXLI · 19 Sentyabr 2018 14:3731

    DÜNYANIN BÜTÜN ÖLKƏLƏRİNİN PARLAMENT VƏ DÖVLƏT APARATLARINDA BİZİM AZƏRBAYCANLILARDAN OLMALIDIR Kİ YERİ GƏLƏNDƏ ---AZƏRBAYCAN DÖVLƏTİNƏ --XALQINA KÖMƏK DƏSTƏK OLSUNLAR--BU BARƏDƏ HƏM DƏ DİASPOR KOMİTƏSİ CİDDİ İŞ APARMALIDIR.

    Cavab yaz
  • Anonim
    Oxucu · 19 Sentyabr 2018 14:4342

    əla, fəxr edirik sizinlə!

    Cavab yaz
  • Anonim
    AA · 19 Sentyabr 2018 15:0021

    Vallah ugur bax budur halal olsun sizə

    Cavab yaz
  • Anonim
    Süleyman · 19 Sentyabr 2018 15:0341

    Bu qızın üzündəki ifadəni Azərbaycanda yaşayan qadın və qızların üzlərindəki ifadə ilə müqayisə edəndə ancaq bir nəticəyə gəlmək olar: biz nə qədər ağır və çətin yaşayırıq. İnsanın üzünün ifadəsi onun həyatının güzgüsüdür.

    Cavab yaz
  • Anonim
    subay · 19 Sentyabr 2018 17:2911

    Fəxrimizd ugurlar

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.