Dünya

"İnanılmaz bir Bakını özüm üçün yalnız indi kəşf etdim" - Yelena Letuçaya

13 Sentyabr 2018 08:58
0 Şərh     Baxış: 1 325

Rusiyanın "Revizorro" verlişindən tanınan, hazırda isə yeni proqramla Birinci kanala qayıtmağa hazırlaşan teleaparıcı Yelena Letuçaya yay fəslində Azərbaycana səfəri ilə bağlı fikirlərini bölüşüb.

Milli.Az "Report"a istinadən bildirir ki, "Komsomolskaya pravda"ya müsahibə verən teleaparıcı Bakını özü üçün yenicə kəşf etdiyini bildirib.

Jurnalistin "Yayda istirahət edə və özünüz üçün hansısa yeni bir yer kəşf edə bildinizmi?" sualına aparıcı belə cavab verib:

"Bu il təxminən yarım il indi başlayan televiziya çəkilişlərinə hazırlaşmışam. Buna görə bir çox yerlərə getmək nəsib oldu. Məsələn, əvvəllər sıx çəkiliş qrafiki səbəbindən Azərbaycana getmək mümkün olmamışdı - inanılmaz bir Bakını özüm üçün yalnız indi kəşf etdim. Doğrudur, tam məzuniyyət yalnız avqust ayında Maldivdə oldu. Orada həyatımın "nou-xau"sunu yaşadım - günlərin yarısını telefondan istifadə etmədim. Əslində bu, mənim üçün əsas istirahətdir, çünki birdən-birə bir neçə televiziya proqramı çəkilişindən əlavə, paralel olaraq digər layihələrdə də işləyirəm. Yəni telefonu yalnız yatandan-yatana söndürürəm".

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.