Türkiyənin Əskişəhər bölgəsinin Mahmudiyə mahalında hakim Ədalət və İnkişaf Partiyasının mahal idarəsinin binasına hücum edilib.
Milli.Az axar.az-a istinadən xəbər verir ki, gecə saatlarında naməlum şəxs partiya binasına yaxınlaşaraq, daş atmağa başlayıb.
Cinayətkar partiya binasının pəncərələrinə zərər vurub. Hadisə yerinə gələn polis əməkdaşları sözügedən şəxsin eyni zamanda MHP-dən olan keçmiş mahal sədrinin evinə də hücum etdiyini öyrənib.
Cinayətkar saxlanılıb, hazırda dindirilməsi istiqamətində iş aparılır.
Milli.Az