Dünya

Rusiya gəmiləri döyüşə hazır vəziyyətə gətirilib

14 İyun 2018 23:07

0 Şərh Baxış: 1 942

#RUSİYA

Rusiyanın Qara dənizi və Krım hərbi dəniz donanmasının qüvvələri ölkədə futbol üzrə dünya çempionatının keçirilməsi fonunda hərbi hazır vəziyyətə gətirilib.

Milli.Az oxu.az-a istinadən bildirir ki, bu haqda "Reuters" Rusiyadan olan hərbi mənbələrə istinadən məlumat yayıb.

Məlumata görə, dünya çempionatı ərzində Ukrayna tərəfindən təxribatın törədiləcəyini gözlənilir. Belə ki, mənbə Kiyevin turnir ərəfəsində Azov dənizi və Qara dənizdə hərbi iştirakını artırdığını iddia edir.

Ukrayna hökuməti qeyd olunan su hövzələrinə əlavə hərbi gəmilər səfərbər edib, həmçinin sahil mühafizəsini gücləndirib, hərbi aviasiyanın bölgədəki uçuşlarını artırıb.

Mənbə Rusiya hərbi donanmasının yüksək hərbi hazırlıq vəziyyətinin iyulun 31-ə kimi qüvvədə olacağını söyləyib.

Milli.Az