Dünya

İranlı deputat: “İŞİD çirkli pulların yuyulmasında İranın bank sistemindən istifadə edib”

12 İyun 2018 18:50
0 Şərh     Baxış: 425

"İŞİD ötən illərdə çirkli pulların yuyulmasında İranın bank sistemindən istifadə edib".

Milli.Az report-a istinadən xəbər verir ki, bunu İran parlamentinin üzvü Mahmud Sadiki məclisdə "Çirkli pulların yuyulması uğrunda mübarizədə maliyyə tədbirləri hazırlayan qrup"la (FATF) bağlı qanun layihəsi haqqında "Twitter" hesabında yazıb.

"Hətta belə vəziyyət Suriyanın da etirazına səbəb olmuşdu. Narkotik maddələrin qanunsuz dövriyyəsi ilə məşğul olanlar və vergidən yayınlan böyük şəbəkələr çirkli pullarla şəffaflığa qarşı mübarizə aparırlar. Onlar bank əməliyyatlarının şəffaf olmasından qorxurlar. İnqilabçı şüarları ilə mühafizəkarları təşvişə salıb, öz maraqlarını qorumağa çalışırlar", - deputat vurğulayıb.

Qeyd edək ki, iyunun 10-da İran parlamentində "FATF qanunu"na dəyişiklik hazırlanarkən mühafizəkarlara yaxın deputatlar etiraz edib. Bu isə qanunun müzakirəsinin təxirə salınmasına səbəb olub. Ayətullah Mispah Yəzdinin başçlıq etdiyi Dirəniş Cəbhəsi iyunun 8-də İran parlamentinin sədri Əli Laricaninin Qum şəhərindəki ofisinin qarşısında piket keçiriblər. İranda mühafizəkarlar, "Hizbullah" kimi bir sıra təşkilatlar "FATF qanunu"nun" qəbul edilməsinə qarşı çıxırlar. 

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.