ABŞ Senatı Cina Haspeli Mərkəzi Kəşfiyyat İdarəsinin direktoru vəzifəsində təsdiqləyib.
Milli.Az Trend-ə istinadən bildirir ki, C.Haspelin direktor seçilməsinin leyhinə 100 senatordan 54-ü, 45 senator əleyhinə səs verib, bir senator isə səs verməyib.
Beləliklə, Cina Haspel MKİ-yə rəhbərlik edən ilk qadın olub.
Qeyd edək ki, C.Haspel buna qədər MKİ-nin direktoru Mayk Pompeonun müavini olub. Donald Tramp M.Pompeonu dövlət katibi təyin etdikdən sonra, MKİ-nin direktoru vəzifəsinə C.Haspelin namizədliyini irəli sürüb.
Milli.Az