Dünya

Sarkisyan baş nazir seçilmək üçün üzünü Azərbaycana tutdu

17 Aprel 2018 15:17
2 Şərh     Baxış: 4 444

Ermənistan parlamentində baş nazirin seçilməsi ilə bağlı iclas başlayıb.

Milli.Az publika.az-a istinadən xəbər verir ki, Serj Sarkisyan Ermənistan parlamentində deputatların suallarına cavab verir.

15 deputat iclasda iştirak etmir. İclas 90 deputatın iştirakı ilə davam edir. Spiker Ara Babolyan "kvorum var" deyə bildirib.

Hakim Respublika Partiyasının parlament fraksiyasının rəhbəri Vaqram Baqdasaryan çıxışında Azərbaycan Ordusunun təhlükəsini xatırladıb və qeyd edib ki, "Azərbaycan faktoru bizim ölkəmizə güclü liderin lazım olduğunu göstərir".

O, Sarkisyanın baş nazir seçilməsinin vacib olduğunu bildirib.

"Bu, Ermənistanın təhlükəsizliyi və Dağlıq Qarabağa görə lazımdır", - deyə Baqdasaryan iddia edib.

Sarkisyan çıxışında təhlükəsizliyin bir nömrəli prioritet olduğunu bildirib. Əlavə edib ki, "Qarabağ münaqişəsinin sülh yolu ilə nizamlanması məsələsində mövqeyim dəyişməzdir. Lakin buna paralel olaraq, ordunu gücləndirəcəyik".

Qeyd edək ki, çıxışlardan sonra səsvermə olacaq. Əgər bu gün baş nazir seçilməsə, o zaman 7 gün sonra yeni namizəd irəli sürülməlidir. İkinci mərhələdə də baş nazirin seçilməsi mümkün olmasa, parlament buraxılmalı və növbədənkənar seçkilərə gedilməlidir. Lakin ekspertlər Sarkisyanın bu gün baş nazir seçilməsi ehtimalının güclü olduğunu hesab edirlər. Hazırda İrəvan küçələrində müxalifət kütləvi etiraz aksiyası keçirir.

Milli.Az

loading...

Şərh yaz:

2 Şərh:

  • Anonim
    talis · 17 Aprel 15:3110

    Sarkisyan bas nazir olacaq.hec vaxt qarabagi sulh yoluynan qaytarmiyacaq

    Cavab yaz
  • Anonim
    Cəbrayıl · 17 Aprel 16:5441

    Sarkisyan yox, kim seçilsə də Qarabağ sülh yolu ilə qaytarılmayacaq. İlanın ağına da lənət, qarasına da. Biz ordumuzu gücləndirməliyik.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.