Dünya

Putindən Ərəb Birliyinə xəbərdarlıq: “Yaxın Şərqdə vəziyyət düzəlməzsə...”

15 Aprel 2018 17:39
0 Şərh     Baxış: 6 130
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Rusiya prezidenti Vladimir Putin Suriya və İraqda İŞİD-in məğlubiyyətindən sonra regionda siyasi həll və quruculuq proseslərinə Ərəb Birliyi ilə yardımçı ola biləcəklərini söyləyib.

"Qafqazinfo" xarici KİV-ə istinadən xəbər verir ki, V.Putin Səudiyyə Ərəbistanında keçirilən 29-cu Ərəb Birliyi Zirvə Toplantısına məktubla müraciət edib.

Tədbirin Yaxın Şərq və Şimali Afrikanın çətin dövrdən keçdiyi bir zamanda təşkil edildiyini xatırladan Rusiya prezidenti, Suriya, İraq, Liviya və Yəməndə silahlı münaqişələrin can almağa davam etdiyini bildirib6

"Bu çətinliklər beynəlxalq cəmiyyətdən koordinasiya və kollektiv səy tələb edir və Ərəb Birliyi bu baxımdan mühüm iş görə bilər. Rusiya regional təhlükəsizliyi təmin etmək üçün Ərəb Birliyi ilə iş birliyinə hazırdır. İŞİD-in əsas qüvvələrinin məğlubiyyətindən sonra ortaya çıxan şərtlər daxilində Suriya və İraqda siyasi həll və yenidənqurma proseslərini bərabər sürətləndirməyə, həyəti məsələləri həll etməyə yardımçı ola bilərik".

Putin sözlərinə əlavə edib ki, terrorçu qruplarla mübarizə Ərəb dövlətlərinin suverenliyi və ərazi bütövlüyünə tam hörmətlə davam etməlidir:

"Yaxın Şərqdə vəziyyət düzəlməzsə, Fələstin problemi də həll oluna bilməz. Rusiyanın mövqeyi dəyişməzdir. Qüds problemi, o cümlədən, Fələstin torpaqları ilə bağlı bütün problemlər Fələstin-İsrail birbaşa danışıqları çərçivəsində, BMT Baş Assambleyası və Təhlükəsizlik Şurasının qətnamələri, o cümlədən, universal hüquq normaları əsasında Ərəb Birliyinin təşəbbüsü ilə həll olunmalıdır".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.