Bu gün axşam saatlarında Malinin Barselonadakı (İspaniya) konsulluğunda girov götürülmüş qadın azad olunub.
Milli.Az "Report"a istinadən bildirir ki,bu barədə Kataloniya polisi öz "Twitter" səhifəsində yazıb.
"Malinin Barselonadakı konsulluğunda girov götürülmüş qadın azad olunub. Onu girov götürən kişi saxlanılıb", - deyə məlumatda bildirilir.
Girov götürülən qadın Malinin fəxri konsulunun həyat yoldaşıdır. Onu girov götürən də Malidəndir və inzibati vəziyyətinin nizama salınmasını tələb edirdi. Polisin məlumatına görə, kişinin şəxsiyyəti müəyyən edilib və o, silahsızdı.
Milli.Az