Dünya

"Terrorçular ABŞ-ın verdiyi silahları Afrində atıb qaçıblar"

19 Mart 2018 15:33
0 Şərh     Baxış: 1 627
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Afrin azad edildikdən sonra oradan ABŞ-ın terrorçulara verdiyi silahlar götürülüb".

Milli.Az report-a istinadən xəbər verir ki, bunu Türkiyə baş nazirinin müavini və hökumət sözçüsü Bəkir Bozdağ bildirib.

"Terrorçular oradan könüllü çıxmayıblar, qorxub silah-sursatı ataraq qaçıblar. ABŞ-ın terrorçulara verdiyi silahların bir hissəsi götürülüb. Afrində işimiz hələ başa çatmayıb. Bildiyiniz kimi, bu gün törədilən partlayış nəticəsində mülki şəxslər və Azad Suriya Ordusunun təmsilçiləri həyatını itirdi. Terrorçuların qaçmazdan əvvəl bölgədə minalar basdırdıqlarını, tələlər qurduqlarını bilirik. Ona görə də bölgədəki bütün yerlər belə tələlərdən təmizlənməlidir. Bu hərəkat zamanı məktəblərə, xəstəxanalara, dinc sakinlərin yaşadığı yerlərə heç bir zərər verilməyib. Terrorçuların bölgədən planlı şəkildə çıxdıqlarına dair sosial şəbəkələrdə bəzi məlumatlar yayılır. Əgər onlar məqsədli şəkildə çıxsaydı, o zaman silah-sursatı qoymazdılar. Onlar qorxub qaçıblar", - o qeyd edib

Baş nazirin müavini terrorçulardan təmizləndikdən sonra bölgəni həqiqi sahiblərinə təslim edəcəklərini də vurğulayıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.