Dünya

İran qəzaya uğrayan türk təyyarəsi ilə bağlı iddiaları təkzib etdi

13 Mart 2018 11:44
1 Şərh     Baxış: 1 472

İran iki gün əvvəl qəzaya uğrayan türk təyyarəsi ilə bağlı sosial şəbəkədə yayılan iddiaları təkzib edib.

Milli.Az Sputniknews-a istinadla xəbər verir ki, ötən gün "Başaran Holdinq"in rəhbəri Hüseyn Başarana məxsus "Bombardier Challenger 600" təyyarəsi İranda qəzaya uğrayıb. BƏƏ-nin Şarja şəhərindən İstanbula qayıdan təyyarədə 2 qadın pilot, 1 stüardessa və 8 sərnişin olub. Təyyarədə ölənlərdən biri iş adamının qızı Mine Başaran və onun 7 rəfiqəsidir. Onlar toy öncəsi subaylığa vida gecəsindən qayıdırlarmış. Mine Başaran təyyarəyə minməzdən əvvəl rəfiqələri ilə birlikdə selfi çəkib, sosial şəbəkədə yayıb. Qəza nəticəsində sağ qalan olmayıb.

Qəzadan sonra sosial şəbəkələrdə pilotların təyyarəni təcili endirmək üçün İrandan icazə istəməsi, İranın isə icazə verməməsi ilə bağlı şayiələr yayılıb.

İranın Aviasiya təşkilatından məsələyə aydınlıq gətirilib. Bildirilib ki, səsləndirilən iddialar əsassızdır. Belə bir təklif olmayıb.

"Təyyarə əvvəlcə yerə doğru yaxınlaşıb, sonra sürət yığmaq istəyərkən radardan itib və qəzaya uğrayıb".

Emin
Milli.Az

loading...

Şərh yaz:

1 Şərh:

  • Anonim
    mən · 13 Mart 12:5480

    Şərəfi olmayan hər cür böhtan atar.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.