Bu gün Yaponiyada 11 mart 2011-ci ildə baş vermiş zəlzələ qurbanlarının xatirəsi yad edilib.
Milli.Az APA-ya istinadən xəbər verir ki, yerli vaxtla saat 14.46-da bütün ölkə ərazisində zəlzələ qurbanlarının xatirəsi 1 dəqiqəlik sükutla yad olunub.
Məhz 7 il əvvəl yerli vaxtla saat 14.46 radələrində baş verən 9 maqnitudalı zəlzələ və güclü zəlzələnin səbəb olduğu sunami nəticəsində ölkənin şimal-şərq regionlarında 18 mindən çox insan ölüb. İvate, Miyaqi və Fukusima əyalətlərində bir çox şəhərlər məhv olub, "Fukusima-1" Atom Elektrik Stansiyasında (AES) qəza baş verib. AES-də enerji təchizatı sistemi sıradan çıxıb, ətraf rayonlar radioaktiv çirklənməyə məruz qalıb. "Fukusima-1" AES-də qəzanın nəticələrinin aradan qaldırılması istiqamətində iş bu gün də davam etdirilir.
Milli.Az