Ukrayna parlamenti yaxınlığında salınan çadır düşərgəsinin ətrafında polislə etirazçılar arasında toqquşmalar yaşanır.
Milli.Az virtualaz.org-a istinadən bildirir ki, toqquşmalar polisin bir sıra cinayət işlərinin araşdırmasını həyata keçirməsi üçün düşərgəyə girməsindən sonra başlayıb.
Qarşıdurmalar zamanı etirazçılar şinləri yandırıb. Polisin 50 nəfəri saxladığı bildirilir.
Məlumata görə, kəllə-beyin travması və qaz yanıqları ilə yaralılar da var.
Xatırladaq ki, Ali Radanın yaxınlıqdakı çadır şəhərciyində Gürcüstanın sabiq prezidenti, Odessa vilayətinin keçmiş qubernatoru Mixail Saakaşvilinin tərəfdarları mitinq keçirirlər.
Milli.Az