İstanbulun Beykoz rayonunda 24 yaşlı Sinəm A. bir evdə birlikdə içki içdiyi Uğur Gümüşü bıçaqlayaraq öldürüb, eyni evdə olan Süleyman Bostanı da ağır yaralayıb.
Milli.Az Sabah-a istinadən xəbər verir ki, Sinəm A. (24) Uğur Gümüş (30) və Süleyman Bostan (57) birlikdə spirtli içki qəbul ediblər. İddiaya görə, Uğur Gümüş, Sinəm A.-ya söyüş söyüb və təhqirlər artınca mübahisə yaranıb.
Sinəm A. evdə əlinə keçən bıçaqla öncə Uğur Gümüşü, sonra da Süleyman Bostanı bıçaqlayıb. Məhəllə sakinləri evdən gələn səs-küy sonrası polisə xəbər veriblər. Ağır yaralı olan Gümüş və Bostan xəstəxanaya çatıdırılsalar da, birinci həyatını itirib.
Sinəm A. saxlanılıb.
Məhəmməd Vaqif
Milli.Az