Finlandiyanın "Finnair" aviaşirkətinin AY666 "Kopenhagen-Helsinki" reysini sərnişinlər zarafatyana "cəhənnəmə reys" adlandırırlar. Həm 666 rəqəmi. Həm də Helsinki şəhərinin hava limanının biletdə HEL kimi ("hell" ingiliscə "cəhənnəm" deməkdir) göstərilməsi bu zarafatın yaranmasına səbəb olub.
Milli.Az virtualaz.org-a istinadən xəbər verir ki, son 20 il ərzində yerinə yetirilmiş reys üzrə dünən, cümə günü, ayın 13-də, saat 13-də son səfər edilib. Helsinkidə təyyarənin sərnişinlərini xüsusi olaraq mövzuya uyğun hazırlanmış avtobus qarşılayıb.
Bundan sonra həmin reys AY954 adlanacaq.
Milli.Az