Dünya

Gözəlliyi ilə diktatorların AĞLINI BAŞINDAN ALAN XANIMLAR - Maraqlı faktlar - FOTO

19 Sentyabr 2017 13:45
13 Şərh     Baxış: 12 475

"Ağlatdığın bir qadının göz yaşlarını ya o anda silərsən, ya da o göz yaşlarında boğulmamaq üçün ömür boyu çırpınmaq məcburiyyətində qalarsan", - qadını Anton Çexov kimi dəyərləndirmək hər kəsin işi deyil. Amma buna cəhd edənlər olub: "Dünyanı yaşayış üçün yararlı hala salan qadınlardır", - İohann Kristof Fridrix Şiller yazırdı.

Məlumdur ki, müasir dövrdə diktatorlar insanlarda yumşaq desək, simpatiya yaratmırlar, lakin onların xanımları haqda bunu demək bir qədər çətindir.

Maraqlıdır, avtoritar dövlətlərin liderlərinin birinci xanımları bir qayda olaraq gözəldirlər. Əgər diktatorların sərt xarakterini yumşalda biləcək kimsə varsa, bu yalnız onların dəbli və gözəl xanımlarıdır.

Aşağıdakı icmalda avtoritar ölkələrin birinci xanımları haqda məlumatı oxuculara çatdırırıq:

1. Əsma əl-Əsəd (Suriya)

Əsma əl-Əsəd - Suriyanın birinci xanımı.

Əsma al-Əsəd və əri Suriya prezidenti Bəşər Əsəd.

Bir neçə il əvvəl bütün dünya Əsma əl-Əsəd xanıma heyran idi. Bu gün isə müharibə ilə tamam parçalanan ölkədə birinci xanım üçün hər şey çox çətindir.

Əsma Londonda müsəlman ailəsində doğulub. Suriyaya yaşamaq üçün o, yalnız 25 yaşında köçüb. Əsma al-Əsəd avropasayağı geyinir, hicab və ya pərəncə daşımır. Hələ müharibənin başlanmasına bir qədər qalmış, birinci xanıma ölkəni tərk etməyi təklif edirlər, lakin xanım bundan imtina edir və hazırda xeyriyyəçiliklə məşğul olur.

2. Ana Paula duş Santuş (Anqola)

Ana Paula duş Santuş - Anqolanın birinci xanımı.

Ana Paula duş Santuş - keçmiş stüardessa və fotomodel, bu gün Anqola prezidentinin xanımıdır.

Anqola prezidenti Joze Eduard və onun xanımı Ana Paula duş Santuş.

Onların görüşünün tarixi əsl roman süjetidir - kişi prezidentdir, Paula isə stüardessa. Amma nikbinlərin təbirincə desək, qeyri-mümkün olan heç nə yoxdur... Anqola prezidenti Joze Eduardın xanımı Ana Paula duş Santuş ərindən 20 yaş kiçikdir. Yalnız bu, keçmiş fotomodel və stüardessanı tamamilə maraqlandırmır.

Bir dəfə birinci xanım fikir bildirdi ki, onun uşaqları yerli məktəblərdə oxumayacaqlar, çünki Anqolada təhsilin səviyyəsi olduqca pisdir. Səslənən bu fikirlər əhali tərəfindən müsbət qarşılanmadı, etirazlar bununla bağlı idi ki, uşaqları göndərincə ölkədə təhsili gücləndirin.

3. Li Sol Çju (Şimali Koreya)

Li Sol Çju - Şimali Koreyanın birinci xanımı.

Dünyanın ən təcrid olunan ölkələrindən birinin birinci xanımı Li Sol demək olar ki, "qəflətən ortaya çıxdı". Əvvəllər ölkənin liderləri heç vaxt öz arvadlarını ictimaiyyətə təqdim etmirdilər. Bundan başqa, xanım Li öz həmvətənlərinin arasında geyim tərzlilə kəskin seçilir. Əgər Şimali Koreyada qadınların əksəriyyəti ciddi kostyumlar daşımalı, özlərini daha təvazökar aparmalıdırlarsa, ölkənin birinci xanımı bu ənənələri dağıdır. O, dizdən yuxarı ətək geyinir, hündürdaban ayaqqabılara üstünlük verir.

Gənc xanımın prezident Çen Inın həyatına gəlişi Şimali Koreyada qadınlara şalvar qadağasını da aradan qaldırdı. Eyni zamanda ölkənin ideoloji moralistlərini şoka salan bijuteriya istifadəsinə də icazə verildi.

4. Raniya əl-Abdulla (İordaniya)

Raniya əl-Abdulla - İordaniya kraliçası.

Raniya əri İordaniya kralı II Abdulla ilə.

Raniya əl-Abdullanı müasir dünyanın ən gözəl kraliçası adlandırırlar. İordaniyanın birinci xanımına nəzər salanda, bununla razılaşmamaq düz olmazdı. Bu qadının tərcümeyi-halını vərəqləyəndə, mükəmməl obrazla rastlaşırıq: Raniya - üç uşaq anasıdır, o, müsəlman ölkəsinin qadınlarına təhsil almağa kömək edir, xeyriyyəçiliklə məşğul olur və özünü "əsl ərəb qadını" adlandırır.

5. Şantal Biyya (Kamerun)

Şantal Biyya - Kamerunun birinci xanımı.

Kamerun prezidenti və onun arvadının yaş fərqi 42-dir.

Şantal Biyya və Karla Bruni

Şantal Biyya, sözsüz ki, planetin ən parlaq və cazibəli birinci xanımıdır. Əri ilə böyük yaş fərqi var: xanımın 82, prezidentin isə 44.

Şantalı saç düzümünə görə də görənləri heyrətləndirir. Bu böyük yığın - parik deyil, onun təbii saçlarıdır. Ekzotik geyim tərzi birinci xanıma insanlarla xoş ünsiyyət yaratmağa mane olmur. Yeri gəlmişkən, Şantal və Fransa sabiq prezidentinin birinci xanımı Karla Bruni ilə rəfiqədir. Onlar bir yerdə bir neçə dəfə Paris butiklərində alış-veriş edərkən kameralara tuş gəliblər.

6. İmelda Markos - (Filippin)

İmelda Markos - Filipinin birinci xanımı - 1960-80-cı illər.

Diktatorların gözəl xanımları haqda icmal hazırlayarkən, bir qədər geriyə getmək də olar. Çünki Filippinin 1960-80-ci illərdə birinci xanımı olmuş İmelda Markosu yada salmamaq düz deyil. Bu qadın gözəlliyi ilə yanaşı, həm də əla diplomat kimi tanınırdı. Ölkənin siyasi həyatında aktiv iştirak etdiyi üçün onu "polad kəpənək" adlandırdılar.

Prezident Fernando Markosun xanımı olaraq, İmelda özünə Avropanın ən yaxşı modalar evlərindən geyinməyi rəva bilirdi. Geyim məsələsində heç vaxt qənaət etməyən əsrarəngiz xanım, toplanan böyük ayaqqabı kolleksiyasını muzeyə bağışlamışdı. Ölkə siyasətində mühüm rol oynayan və artıq dul olan İmeldanın hazırda 87 yaşı var./Publika.az

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Şərh yaz:

13 Şərh:

  • Anonim
    Sebr · 19 Sentyabr 13:5330

    Kimin yoldaşı olmaqdansa ölmək daha yaxşıdı...Lİ xanım Kimə denən nüvədən,atomdan uzaq olsun başqa kimi necə geyindirir özü bilər!Raniya gözəldi,Kamerun xanımı da Elzanın tələbəsidi amma şirin görsənir...

    Cavab yaz
  • Anonim
    ...Pozıtıv Olun... · 19 Sentyabr 14:1201

    Gozellık anlamı doğurdan da nısbıdır..

    Cavab yaz
    • Anonim
      PRiNS · 19 Sentyabr 21:1720

      Beli,xanım,Gözellik anlayışı şikest olub. (Esma Esed istisna olmaqla. Bu Roma esilli qadın çox şeye layiqdir)

      Cavab yaz
  • Anonim
    GƏNCƏLİ AVROPADAN... · 19 Sentyabr 14:2911

    Dünyanı qadınlar idarə edir:Yarısı özləridir+yarısı da tərbiyə verdikləri ))))

    Cavab yaz
    • Anonim
      Tebiet · 19 Sentyabr 16:3901

      + yarısını da ağıllarını aldıqları idarə edir ))

      Cavab yaz
      • Anonim
        GƏNCƏLİ AVROPADAN... · 19 Sentyabr 17:0811

        ))))

        Cavab yaz
        • Anonim
          Tebiet · 19 Sentyabr 17:1901

          )))

          Cavab yaz
          • Anonim
            GƏNCƏLİ AVROPADAN... · 19 Sentyabr 17:4511

            O ağılsızları da dünyaya qadınlar gətirir.

            Cavab yaz
            • Anonim
              Tebiet · 19 Sentyabr 19:0500

              Aha bəli, haqlısız )

          • Anonim
            GƏNCƏLİ AVROPADAN... · 19 Sentyabr 20:5110

            Əslində analar hər şeyin yerli-yerində olmağını istərlər,o cümlədən də uşağın ağlının.O sosial şəbəkələrin təbirincə desək: Dünyanı analar idarəetsin birbaşa!

            Cavab yaz
  • Anonim
    Tebiet · 19 Sentyabr 14:3010

    Şimali Koreyanınkı gözəldi, birdə Iordaniyanınkı xoş təsir bağışlayır.

    Cavab yaz
  • Anonim
    Minuli · 19 Sentyabr 16:4800

    Şantal Biyyanın 46 yaşı var

    Cavab yaz
  • Anonim
    Elxan · 19 Sentyabr 17:3220

    Təbiilik ən böyük gözəllikdir.Haqqında bəhs etdiyiniz 1ci xanımlar bu baxımdan olduqca gözəldirlər.İordaniya,Suriya və Ş.Koreya 1ci xanımlarına mən sözün əsl mənasında heyranam.Burda qeyd edildiyi kimi,Kamerunun 1 ci xanımının 46-47 yaşı var,daha 82 yox)

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.