Dünya

ABŞ Rusiyanın 4 vətəndaşına və 1 şirkətinə sanksiya tətbiq etdi

22 Avqust 2017 18:58

1 Şərh Baxış: 1 030

#DÜNYADA #SİYASƏT #AMERİKA #RUSİYA

ABŞ Rusiya Federasiyasının 4 vətəndaşını Şimali Koreya ilə bağlı sanksiya siyahısına daxil edib.

Milli.Az APA-ya istinadən xəbər verir ki, bu barədə ABŞ Maliyyə Nazirliyinin açıqlamasında deyilir.
Sanksiyaya məruz qalan rusiyalılar bunlardır: "Velmur Management PTE LTD" şirkəti ilə bağlılığı olan İrina Xyuiş, "Gefest-M" və "Korea Tangun Trading Corporation" şirkətləri ilə bağlılığı olan Ruben Kirakosyan, eləcə də Mixail Pisklin və Andrey Serbin.

Moskva şəhərində qeydiyyatda olan "Gefest-M" şirkəti də sanksiya siyahısına salınıb. Bu şirkət Şimali Koreyanın "Tangun" ticarət korporasiyası ilə əlaqədə ittiham olunur.

Sanksiyaya məruz qalanlar arasında Çinin 5, Namibiyanın 2 və Sinqapurun 2 şirkəti də var.

Milli.Az

Digər maraqlı xəbərlər Milli.Az-ın Facebook səhifəsində