Türkiyəli məşhur musiqiçi Suavi və ailəsinin içində olduğu avtomobil Balıkesir - İstanbul yolunda başqa bir avtomobil tərəfindən hücuma məruz qalıb.
Milli.Az Habertürk-ə istinadən xəbər verir ki, hadisə barədə Tvitter hesabından məlumat verən Suavinin yoldaşı Gönül Sayqan "Qəfil birdən avtomobil meydana çıxdı və yolumuzu kəsdi. Sağ tərəfdən bizə yaxınlaşdı, söydülər. Suavi tərəfdən şüşəyə bir şey atdılar. Onlar "avtoş" deyildilər, Suavini hədəf alan bir hücum idi" qeydini yazıb.
Musiqiçinin həyat yoldaşı sosial şəbəkə hesabındakı paylaşımını bu sözlərlə tamamlayıb:
"Qızımın saçının bir telinə görə dünyanı yandıraram. Mənim 5 yaşlı qızım bu dünyanın ən günahsız insanıdır. Bizə qarşı niyə düşmənçilik edirsiniz, səbəb? Prokurorluq avtomobil barədə ölkə daxilində axtarış əmri verdi".
Məhəmməd Vaqif
Milli.Az