16:57
London metrosunda qatarın tüstüləməsi nəticəsində dörd nəfər zəhərlənib, onlardan ikisi xəstəxanaya yerləşdirilib.
Report TASS-a istinadən xəbər verir ki, bu barədə Britaniya paytaxtının təcili yardım xidmətinin rəsmi nümayəndəsi bildirib.
Onun sözlərinə görə, dəm qazı ilə zəhərlənənlərdən ikisinin xəstəxanaya yerləşdirilməsi ehtiyat tədbirləri ilə əlaqədardır. Onların heç bir həyati təhlükəsi yoxdur.
Londonun yanğınsöndürmə xidmətinin rəsmi nümayəndəsi yanğının miqyasının elə də böyük olmadığını, hazırda yanğının başvermə səbəblərinin araşdırıldığını vurğulayıb.
-----------
13:57
London metropolitenində qatarların birində yanğın baş verib.
Milli.Az Trend-ə istinadən xəbər verir ki, hadisə ilə əlaqədar həmin xəttdə qatarların hərəkəti dayandırılıb.
İnsanlar təxliyə edildikdən sonra stansiya polis tərəfindən bağlanıb. Hadisə yerinə yanğınsöndürənlər cəlb edilib.
Hazırda yanğının baş vermə səbəbləri araşdırılır. Hadisə nəticəsində xəsarət alanların olub-olmaması barədə məlumat verilməyib.
Milli.Az