Antalyada gecə saatlarında üzərində yalnız alt paltarları olduğu halda yolda qaçarkən tutulan və özünü "Tarzan" olaraq təqdim edən 30 yaşlı Səbri Ü. polisləri çətin vəziyyətdə qoyub.
Milli.Az Milliyet-ə istinadən xəbər verir ki, Səbri Ü.-dən ünvanı soruşulunca: "Mən ağacda yaşayıram, mən Tarzanam" , - cavabını verib.
Polis ondan spirt və ya narkotik qəbul edib-etmədiyini soruşduğu zaman Səbri Ü. and içərək heç bir şey istifadə etmədiyini bildirib. Daha sonra bir müddət polisin suallarına cavab verməkdən imtina edib, altında oturduğu ağacın təpəsini işarət barmağıyla göstərməklə kifayətlənib.
Təcavüzkar xarakterli davranışları ilə diqqət çəkən Səbri Ü.-nü sakitləşdirmək üçün təcili yardımdan kömək istənilib. 1 saat müddətində təcili yardıma minmək istəməyən Səbri Ü. Antalya təhsil və Araşdırma Xəstəxanasına aparılıb. Səbri Ü. sakitləşdirici verildikdən sonra səhər saatlarında xəstəxanadan buraxılıb. Səbri Ü.-nün sərbəst buraxıldığı deyilir.
Məhəmməd Vaqif
Milli.Az