Azərbaycan əsilli İran müğənnisi Ququş (Faiqə Atəşin) Ermənistanda konsert verəcək.
Milli.Az qafqazinfo-ya istinadən xəbər verir ki, bu barədə sənətçi rəsmi İnstagram səhifəsində məlumat yayıb.
Bildirilir ki, Ququş 31 avqust tarixində İrəvanda pərəstişkarlarının qarşısına çıxacaq.
Xatırladaq ki, ifaçı 2 sentyabrda isə Tbilisidə konsert verəcək.
Bu məqamda qeyd edək ki, Ququşun konser turu siyahısında Azərbaycanın adı yoxdur. Sənətçi sonuncu dəfə 2011-ci ildə Bakıda konsert verməyi planlaşdırsa da, daha sonra bu istəyindən imtina edib.
Milli.Az