Dünya

NATO qüvvələri Estoniyaya gəlir - FOTO

19 Mart 2017 12:50
0 Şərh     Baxış: 1 051
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Estoniyaya 120 Britaniya əsgərindən ibarət hərbi qrup gəlib.

Milli.Az virtualaz.org-a istinadən xəbər verir ki, əsgərlər Rusiyanın mümkün addımlarına qarşı Baltik ölkələr və Polşada yaradılan NATO qüvvələrinin tərkibində xidmət edəcəklər.

Aprel ayında Estoniyaya əlavə heyətinin ezam olunması ilə Britaniya kontingentinin sayı təxminən 800 nəfərə çatdırılacaq.

Britaniyanın müdafiə naziri Michael Fallon bildirir ki, əməliyyatın məqsədi Rusiyadan irəli gələn mümkün təhlükənin qarşısını almaqdır.

"Britaniya qüvvələri Estoniyada aparıcı rol oynamaqla yanaşı Polşada yerləşdiriləcək amerikalı müttəfiqlərimizə dəstək göstərməlidir", - Michael Fallon ölkəsinin NATO daxilində öhdəliklərinə sadiq qalmasını şərh edərkən deyib.

Britaniya hərbçilərilə yanaşı Estoniyada Fransa və Danimarka əsgərləri yerləşdirilməlidir.

Daha 150 britaniyalı rotasiya əsasında Polşada yerləşdirilən çoxmillətli qüvvələrin tərkibində xidmət edəcək.

Bu həftə Estoniyaya həmçinin zirehli texnika, tanklar və artilleriya qurğuları göndərilib.

Baltik ölkələr və Polşada NATO qüvvələrinin yerləşdirilməsi barədə qərar alyans tərəfindən 2016-cı ildə, Krımın ilhaqı və Ukraynanın şərqində münaqişənin alovlanmasından sonra təsdiqlənib.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.