Rusiyanın Rostov vilayətində baş vermiş qaz partlaması nəticəsində 2 nəfər ölüb, 5 nəfər xəsarət alıb.
Milli.Az APA-ya istinadən xəbər verir ki, insident Baqayevsk rayonunda yerləşən ikimənzilli yaşayış evində qeydə alınıb.
Hadisə nəticəsində mənzilin biri tamamilə, digəri isə qismən dağılıb. İlkin versiyaya görə, hadisəyə məişət qazının partlaması səbəb olub. Yaralananlardan 3-ü xəstəxanaya yerləşdirilib, onların vəziyyəti barədə məlumat verilmir. Hadisə yerinə Rusiya FHN-nin canlı qüvvə və texnikası cəlb olunub.
Milli.Az